ਯਾਕੂਬ ਮੈਮਨ ਨੂੰ ਫਾਂਸੀ, ਪਰ ਹਜ਼ਾਰਾਂ ਮੁਸਲਮਾਨਾਂ, ਸਿੱਖਾਂ, ਇਸਾਈਆਂ ਦੇ ਕਤਲਾਂ ਨੂੰ ਸਜ਼ਾ ਕਿਉਂ ਨਹੀਂ: ਦਲ ਖਾਲਸਾ

ਅੰਮ੍ਰਿਤਸਰ ( 30 ਜੁਲਾਈ, 2015): ਦਲ ਖਾਲਸਾ ਨੇ ਪ੍ਰਸਿੱਧ ਸ਼ਖਸ਼ੀਅਤਾਂ ਵੱਲੋਂ ਵਾਰ ਵਾਰ ਅਪੀਲਾਂ ਕਰਨ ਦੇ ਬਾਵਜੂਦ ਭਾਰਤ ਸਰਕਾਰ ਵੱਲੋਂ ਯਾਕੂਬ ਮੈਮਨ ਨੂੰ ਫਾਂਸੀ ਦੇਣ ਦੀ ਨਿਖੇਧੀ ਕੀਤੀ। ਭਾਰਤ ਸਰਕਾਰ ਦੇ ਹੰਕਾਰੀ ਰਵੱਈਏ ਦੀ ਨਿੰਦਾ ਕਰਦਿਆਂ ਦਲ ਖਾਲਸਾ ਨੇ ਕਿਹਾ ਕਿ ਫਾਂਸੀ ਦੀ ਸਜ਼ਾ ਖਿਲਾਫ ਉੱਠ ਰਹੀਆਂ ਆਵਾਜ਼ਾਂ ਨੂੰ ਅਣਸੁਣਿਆਂ ਕਰਦਿਆਂ ਸਰਕਾਰ ਫਾਸੀ ਦੀ ਸਜ਼ਾ ਨੂੰ ਬਰਕਰਾਰ ਰੱਖ ਰਹੀ ਹੈ।
ਸਿੱਖ ਜੱਥੇਬੰਦੀ ਦਲ ਖਾਲਸਾ ਨੇ ਮੁਬੰਈ ਬੰਬ ਧਮਾਕਿਆਂ ਦੇ ਦੋਸ਼ੀ ਯਾਕੂਬ ਮੈਮਨ ਨੂੰ ਅੱਜ ਦਿੱਤੀ ਫਾਂਸੀ ਨੂੰ ਮੰਦਭਾਗਾ ਦਸਦਿਆਂ ਕਿਹਾ ਕਿ ਉਸ ਦਿੱਤੀ ਗਈ ਫਾਂਸੀ ਨਿਆਇਕ ਕਤਲ ਹੈ।
ਉਨ੍ਹਾਂ ਕਿਹਾ ਕਿ ਮੈਮਨ ਦੀ ਫਾਂਸੀ ਰੱਦ ਕਰਕੇ ਭਾਰਤ ਸਾਬਕਾ ਰਾਸ਼ਟਰਪਤੀ ਅਬਦੁਲ ਕਲਾਮ ਨੂੰ ਸਹੀ ਅਤੇ ਆਖਰੀ ਸ਼ਰਧਾਜ਼ਲੀ ਦੇ ਸਕਦਾ ਸੀ।ਸ਼੍ਰੀ ਕਲਾਮ ਦੀ ਮੌਤ ਦੀ ਸਜ਼ਾ ਖਿਲਾਫ ਟਿੱਪਣੀ ਰਿਕਾਰਡ ਵਿੱਚ ਦਰਜ਼ ਹੈ ਜਿਸ ਵਿੱਚ ਉਨ੍ਹਾਂ ਕਿਹਾ ਸੀ ਕਿ “ਰੱਬ ਵੱਲੋਂਦਿੱਤੀ ਜ਼ਿੰਦਗੀ ਨੂੰ ਖੋਹਣ ਦਾ ਕਿਸੇ ਨੂੰ ਹੱਕ ਨਹੀ”।
ਇਹ ਉਨ੍ਹਾਂ ਨਾਲ ਕੋਝਾ ਮਜ਼ਾਕ ਹੈ ਕਿ ਜਿਸ ਦਿਨ ਉਨ੍ਹਾਂ ਨੇ ਸੀਰਰ ਤਿਆਗਿਆਂ, ਉਸ ਦਿਨ ਮੂਮਨ ਨੂੰ ਫਾਂਸੀ ਦੇ ਤਖਤੇ ‘ਤੇ ਚੜਾਇਆ ਗਿਆ।
ਉਨ੍ਹਾਂ ਨੇ ਇਹ ਦੁਹਰਾਇਆ ਕਿ ਦਲ ਖਾਲਸਾ ਮੌਤ ਦੀ ਸਜ਼ਾ ਦੇ ਵਿਰੁੱਧ ਹੈ। ੳਨ੍ਹਾਂ ਕਿਹਾ ਕਿ ਅਸੀਂ ਮਹਿਸੂਸ ਕੀਤਾ ਕਿ ਫਾਂਸੀ ਦੀ ਸਜ਼ਾ ਦੇਣ ਨਾਲ ਕੋਈ ਫਰਕ ਨਹੀਂ ਪਿਆ, ਸਗੋਂ ਇਸ ਨਾਲ ਜ਼ੁਰਮ ਵਿੱਚ ਵਾਧਾ ਹੋਇਆ ਹੈ ।
ਭਾਰਤ ਸਰਕਾਰ ਦੇ ਦੋਹਰੇ ਰਵੱਈਏ ਦੀ ਨਿੰਦਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਰਕਾਰ ਗੁਜਰਾਤ ਵਿੱਚ ਹਜ਼ਾਰਾਂ ਮੁਸਲਮਾਨਾਂ ਦੇ ਕਤਲਾਂ, ਦਿੱਲ਼ੀ ਵਿੱਚ ਸਿੱਖਾਂ, ਉੜੀਸਾ ਵਿੱਚ ਇਸਾਈਆਂ ਅਤੇ ਬਾਬਰੀ ਮਸਜਿਦ ਨੂੰ ਢਾਹੁਣ ਵਾਲ਼ਿਆਂ ਨੂੰ ਫਾਂਸੀ ਦੇਣ ਦੇ ਮਾਮਲੇ ਵਿੱਚ ਕਿਉਂ ਖਾਮੋਸ਼ ਹੈ।

ALL ARTICLES AND NEWS

Tag Cloud

DHARAM

Meta